ମାତ୍ର ଅର୍ଥ ଅଭାବରୁ ସେଥିପାଇଁ ପ୍ରଶିକ୍ଷଣ ନେବା ମୋ ପାଇଁ ସମ୍ଭବପର ନ ଥିଲା । ଆସାମ ଗୌହାଟୀ ଠାରେ ଅନୁଷ୍ଠିତ ଜାତୀୟ ପାରା ସନ୍ତରଣ ପ୍ରତିଯୋଗିତାରେ ଅଂଶଗ୍ରହଣ କରିବାର ସୁଯୋଗ ପାଇ ମଧ୍ୟ ଉପଯୁକ୍ତ ପ୍ରଶିକ୍ଷଣର ଅଭାବ ହେତୁ ସଫଳତା ପ୍ରଦର୍ଶନ କରିପାରିଲି ନାହିଁ । ଏବେ ଇଚ୍ଛା ସତ୍ତ୍ୱେ ବୋଉକୁ ଘରେ ଏକା ଛାଡି ଏ ଦିଗରେ ଅଗ୍ରସର ହେବା ପାଇଁ ଆଗ୍ରହ ଯେତିକି ଜନ୍ମୁ ନାହିଁ । ତା' ଛଡା ଅର୍ଥର ବାଧକତା ମଧ୍ୟ ଏକ ବଡ଼ ପ୍ରତିବନ୍ଧକ ହୋଇ ଛିଡା ହୋଇଛି ।

କେନ୍ଦ୍ରାପଡ଼ା ଜିଲ୍ଲାର ଉପାନ୍ତ ମହାକାଳପଡ଼ା ବ୍ଲକ୍ ଅନ୍ତର୍ଗତ ବିଜୟନଗର ପଞ୍ଚାୟତର ଏକ ଅଖ୍ୟାତ ପଲ୍ଲୀରେ ଜନ୍ମ ହୋଇଥିବା ଅପାଂକ୍ତେୟ ବୋଲି ଗଣା ହୋଇଥିବା ଜଣେ ଯୁବକ ବରଜ କୁମାର ଦାସର ଅନନ୍ୟ ପ୍ରେରଣାଦାୟୀ ଜୀବନ କାହାଣୀକୁ ଉପସ୍ଥାପିତ କରୁଛି ।

ଆନ୍ତର୍ଜାତୀୟ ପାରାକ୍ରୀଡ଼ା କ୍ଷେତ୍ରରେ ଓଡ଼ିଶାର ଯେଉଁ କତିପୟ ମହିଳା କ୍ରୀଡ଼ାବିତ୍ ନିଜର ସ୍ୱର୍ଣ୍ଣିମ ସ୍ୱାକ୍ଷର ସୃଷ୍ଟି କରିଛନ୍ତି, ସେମାନଙ୍କ ମଧ୍ୟରେ ଜୟନ୍ତୀ ବେହେରା ଓ ସୁଚିତ୍ରା ପରିଡ଼ା ଅନ୍ୟତମ । ଦୁହେଁ ଜୀବନର ଚରମ ବିପର୍ଯ୍ୟୟ ପରେ ନିଜକୁ ସଜାଡ଼ି ଦୃଢ଼ ମନୋବଳ ଓ ଇଚ୍ଛାଶକ୍ତି ବଳରେ ପାରାକ୍ରୀଡ଼ା କ୍ଷେତ୍ରରେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି । କେବଳ ସେତିକି ନୁହେଁ, ପାରାକ୍ରୀଡ଼ା କ୍ଷେତ୍ରରେ ଅସଂଖ୍ୟ ନବାଗତାଙ୍କ ପାଇଁ ପ୍ରେରଣାର ଜୀବନ୍ତ କାହାଣୀ ପାଲଟିଛନ୍ତି ।