ଭିନ୍ନକ୍ଷମ ଅଧିକାର କର୍ମୀମାନେ ଚଳିତ ବର୍ଷ ନିଟ୍ (ନ୍ୟାସନାଲ ଏଲିଜିବିଲିଟି କମ୍ ଏଣ୍ଟ୍ରାନ୍ସ ଟେଷ୍ଟ) ୨୦୨୫-୨୬ ପୁସ୍ତିକା ପ୍ରକାଶ ପାଇବା ପୂର୍ବରୁ ଭିନ୍ନକ୍ଷମ ଛାତ୍ରଛାତ୍ରୀଙ୍କୁ ଆବଶ୍ୟକ ସହାୟତା ପ୍ରଦାନ ଦିଗରେ ପଦକ୍ଷେପ ନେବା ପାଇଁ ସୁପ୍ରିମ୍ କୋର୍ଟଙ୍କ ପ୍ରଦତ୍ତ ଆଦେଶକୁ ଅନୁରୋଧ କରିଛନ୍ତି ।
ଭିନ୍ନକ୍ଷମ ଅଧିକାର କର୍ମୀମାନେ ଚଳିତ ବର୍ଷ ନିଟ୍ (ନ୍ୟାସନାଲ ଏଲିଜିବିଲିଟି କମ୍ ଏଣ୍ଟ୍ରାନ୍ସ ଟେଷ୍ଟ) ୨୦୨୫-୨୬ ପୁସ୍ତିକା ପ୍ରକାଶ ପାଇବା ପୂର୍ବରୁ ଭିନ୍ନକ୍ଷମ ଛାତ୍ରଛାତ୍ରୀଙ୍କୁ ଆବଶ୍ୟକ ସହାୟତା ପ୍ରଦାନ ଦିଗରେ ପଦକ୍ଷେପ ନେବା ପାଇଁ ସୁପ୍ରିମ୍ କୋର୍ଟଙ୍କ ପ୍ରଦତ୍ତ ଆଦେଶକୁ ଅନୁରୋଧ କରିଛନ୍ତି । ଭାରତରେ ଡାକ୍ତରୀ ଶିକ୍ଷା ଓ ଅଭ୍ୟାସକୁ ନିୟନ୍ତ୍ରଣ କରୁଥିବା ନିୟାମକ ସଂସ୍ଥା ନ୍ୟାସନାଲ୍ ମେଡିକାଲ କମିଶନ (ଏନ୍.ଏମ୍.ସି.)କୁ ଏହି ମର୍ମରେ ଚିଠି ଲେଖିଛନ୍ତି । ଏହାକୁ କାର୍ଯ୍ୟକାରୀ କରିବାରେ ଅନେକ ତ୍ରୁଟି ଥିବା ଦର୍ଶାଇ ଭିନ୍ନକ୍ଷମ ଡାକ୍ତର: ଏଜେଣ୍ଟସ୍ ଅଫ୍ ଚେଞ୍ଜ୍ ଗ୍ରୁପ୍ କହିଛି ଯେ ପର୍ଯ୍ୟାପ୍ତ କମିଟି, ଅନୁକୂଳିତ ବ୍ୟବସ୍ଥା ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିବାର ଆବଶ୍ୟକତା ରହିଛି । ସେମାନଙ୍କ ଦାବି ମଧ୍ୟରେ ଭିନ୍ନକ୍ଷମତା ମୂଲ୍ୟାୟନ ବୋର୍ଡ ରେ ଉପଯୁକ୍ତ ପ୍ରଶିକ୍ଷିତ ସଦସ୍ୟମାନଙ୍କୁ କାର୍ଯ୍ୟକାରୀ ଦକ୍ଷତା ପରୀକ୍ଷା ପ୍ରୟୋଗ କରିବାରେ ସମର୍ଥ କରିବା; ଡାକ୍ତରୀ ପାଠ୍ୟକ୍ରମରେ ଭିନ୍ନକ୍ଷମ ବ୍ୟକ୍ତି (ପି.ଡବ୍ଲ୍ୟୁ.ଡି.)ଙ୍କୁ ନାମ ଲେଖାଇବା ପାଇଁ ନୂତନ ମାର୍ଗଦର୍ଶିକା ଜାରି କରିବା ଏବଂ ଗାଇଡଲାଇନ ପ୍ରସ୍ତୁତ କରୁଥିବା କମିଟିରେ ଭିନ୍ନକ୍ଷମ ବିଶେଷଜ୍ଞ କିମ୍ବା ଭିନ୍ନକ୍ଷମ ନ୍ୟାୟ ଉପରେ କାର୍ଯ୍ୟ କରିଥିବା ବ୍ୟକ୍ତିମାନଙ୍କୁ ଅନ୍ତର୍ଭୁକ୍ତ କରିବା ପ୍ରମୁଖ ଅଟେ ।
ନିଟ୍ ପରୀକ୍ଷା ପାଇଁ ଆବେଦନକାରୀଙ୍କୁ କଲେଜରେ ଯଥାର୍ଥ ଅନୁକୂଳିତ ବ୍ୟବସ୍ଥା ଉପଲବ୍ଧ କରାଇବା ପ୍ରଭୃତି ନିୟମପାଳନ ବିଷୟରେ ଅବଗତ କରାଯିବା ଆବଶ୍ୟକ । ଜାତୀୟ ମେଡିକାଲ କାଉନସିଲ ମଧ୍ୟ ଏହି ଉପଲବ୍ଧତା ବିଷୟରେ ସୂଚନା ସହିତ ଏକ ଡାଟାବେସ୍ ପ୍ରସ୍ତୁତ କରିବା ଉଚିତ ଏବଂ ନୂତନ ଏମବିବିଏସ ଛାତ୍ରଛାତ୍ରୀଙ୍କ ପାଇଁ ପ୍ରସାରିତ ପୁସ୍ତିକା, କଲେଜ ୱେବସାଇଟ ଏବଂ ଭିନ୍ନକ୍ଷମ ଅଧିକାର ଆଇନର ଧାରା ୨୧ ଅଧୀନରେ ସମାନ ସୁଯୋଗ ନୀତି ମାଧ୍ୟମରେ ଛାତ୍ରଛାତ୍ରୀମାନଙ୍କୁ ‘ସକ୍ଷମ ୟୁନିଟ୍’ ଏବଂ ‘ସମାନ ସୁଯୋଗ ସେଲ୍’ ବିଷୟରେ ଅବଗତ କରାଯିବା ଆବଶ୍ୟକ । ଭିନ୍ନକ୍ଷମ ଅଧିକାର କର୍ମୀ ସତେନ୍ଦ୍ର ସିଂହ କହିଛନ୍ତି ଯେ ୨୦୨୫-୨୬ ଶିକ୍ଷାବର୍ଷ ପାଇଁ ନିଟ୍ ନାମଲେଖା ପୁସ୍ତିକା ପ୍ରକାଶ ପୂର୍ବରୁ ମେଡିକାଲ ଅନୁଷ୍ଠାନଗୁଡ଼ିକୁ ମେଡିକାଲ କାଉନସିଲ ପକ୍ଷରୁ କୌଣସି ନିର୍ଦ୍ଦେଶନାମା ଜାରି କରାଯାଇନାହିଁ । ସମସ୍ତ କଲେଜରେ ନାମଲେଖା ପରେ ସେମାନଙ୍କ ପାଇଁ ସଂରକ୍ଷଣ ମାନଦଣ୍ଡ ଏବଂ ସେମାନଙ୍କ ଆବଶ୍ୟକତା ବିଷୟରେ ସଚେତନ କରିବାକୁ ମଧ୍ୟ ମେଡିକାଲ କାଉନସିଲ୍ କୁ କୁହାଯାଇଛି ।
ଡାକ୍ତର ସିଂ କହିଛନ୍ତି ଯେ ଆମେରିକା ଏବଂ ବ୍ରିଟେନର ପ୍ରଗତିଶୀଳ ନିୟାମକ ସଂସ୍ଥା ଭଳି ମେଡିକାଲ କାଉନସିଲ ଦୁର୍ଭାଗ୍ୟବଶତଃ ଭାରତରେ ଡାକ୍ତରୀ ଶିକ୍ଷା ପାଇଁ ଇଚ୍ଛା ରଖିଥିବା ପି.ଡବ୍ଲ୍ୟୁ.ଡି. ମାନଙ୍କ ପାଇଁ ପ୍ରତିବନ୍ଧକ ସୃଷ୍ଟି କରୁଛି । କେବଳ ଅଦାଲତ ମାଧ୍ୟମରେ ନ୍ୟାୟ ମିଳୁଛି । ନେହା ପୁଦିଲ ବନାମ ୟୁଓଆଇ (୨୦୨୨) ମାମଲାରେ ଦିଲ୍ଲୀ ହାଇକୋର୍ଟ ମେଡିକାଲ କାଉନସିଲକୁ ୬ ମାସ ମଧ୍ୟରେ ଏହାର ଗାଇଡ଼ଲାଇନ ସଂଶୋଧନ କରିବାକୁ ନିର୍ଦ୍ଧେଶ ଦେଇଥିଲେ, କିନ୍ତୁ ସେମାନେ ଏହାକୁ ପାଳନ କରିବାରେ ବିଫଳ ହୋଇଥିଲେ । ଅକ୍ଟୋବର ୨୦୨୪ରେ ସୁପ୍ରିମ୍ କୋର୍ଟଙ୍କ ଦୁଇଟି ଆଦେଶରେ ସମାନ ନିର୍ଦ୍ଧେଶକୁ ଦୋହରାଇଥିଲେ ମଧ୍ୟ ଏହା ମଧ୍ୟରେ କୌଣସି ପଦକ୍ଷେପ ନିଆଯାଇନାହିଁ । ମେଡିକାଲ କାଉନସିଲ ଏପର୍ଯ୍ୟନ୍ତ ଏହାର ଗାଇଡ଼ଲାଇନରେ ସଂଶୋଧନ କରିନାହିଁ । ଅଦାଲତଙ୍କ ନିର୍ଦ୍ଧେଶକୁ ଅଣଦେଖା କରିଥିବାରୁ, ଭିନ୍ନକ୍ଷମ ପରୀକ୍ଷାର୍ଥୀମାନେ ଏମ୍ବିବିଏସ୍ ପାଠ୍ୟକ୍ରମରେ ସେମାନଙ୍କ ଉଚିତ ସ୍ଥାନ ପାଇଁ ଲଢ଼ିବାକୁ ବାଧ୍ୟ ହେଉଛନ୍ତି ବୋଲି ଡାକ୍ତର ସିଂ କହିଛନ୍ତି ।
