କାରା (CARA) ଏହାର ୨୦୨୩ କାର୍ଯ୍ୟନିର୍ବାହୀ ଆଦେଶକୁ ପ୍ରୟୋଗ କରିଥିଲା ଯାହା ସମ୍ଭାବ୍ୟ ପୋଷ୍ୟ ପିତାମାତାଙ୍କର ପୂର୍ବରୁ ଦୁଇଟି ଜୈବିକ ସନ୍ତାନ ରହିଥିଲେ ଏକ ସାଧାରଣ ଶିଶୁକୁ ପୋଷ୍ୟ ସନ୍ତାନ ଗ୍ରହଣ କରିବାକୁ ପ୍ରତିବନ୍ଧକ କରିଥିଲା ।
ବମ୍ବେ ହାଇକୋର୍ଟର ଦୁଇଜଣିଆ ଖଣ୍ଡପୀଠ ମାନ୍ୟବର ଜଷ୍ଟିସ୍ ଗିରିଶ କୁଲକର୍ଣ୍ଣି ଏବଂ ଜଷ୍ଟିସ ଅଦ୍ବୈତ ସେଠନା ପୌଷ୍ୟ ସନ୍ତାନ ଗ୍ରହଣ ସମ୍ପର୍କିତ ଏକ ସ୍ପର୍ଶକାତର ମାମଲାର ବିଚାର କରି ଗତ ଏପ୍ରିଲ ୭ ତାରିଖର ଏକ ଆଦେଶରେ କହିଛନ୍ତି, “ଯଦି ସେମାନେ ନିଜ ପରିବାରରେ ଅତିରିକ୍ତ ସଦସ୍ୟ ପାଇବାର ସାମର୍ଥ୍ୟ ସହିତ ଏକ ନୂତନ ଆଶାର କିରଣ ଖୋଜୁଛନ୍ତି ଏବଂ ଏହା ଦ୍ୱାରା ସେମାନଙ୍କ ଜୀବନ ଅଧିକ ଅର୍ଥପୂର୍ଣ୍ଣ ହେବା ସହିତ ପାରସ୍ପରିକ ପରିପୂର୍ଣ୍ଣତା ହାସଲ କରୁଛି, ତେବେ ଏଥିରେ କିଛି ଭୁଲ ନାହିଁ । ହାଇକୋର୍ଟ କହିଛନ୍ତି ଯେ ୨୦୨୨ରେ ପୋଷ୍ୟ ସନ୍ତାନ ଗ୍ରହଣକୁ ନିୟନ୍ତ୍ରଣ କରିବା ପାଇଁ ପ୍ରସ୍ତୁତ କରାଯାଇଥିବା ପ୍ରଚଳିତ ନିୟମାବଳୀରେ ‘କୋହଳ କରିବାର କ୍ଷମତା’ ନୀୟମ ରହିଛି । ବିଶେଷକରି ଦମ୍ପତି ସମ୍ମୁଖୀନ ହେଉଥିବା ‘ସ୍ୱତନ୍ତ୍ର ପରିସ୍ଥିତି’ର ମୁକାବିଲା କରିବା ସମୟରେ ଏବଂ ଏହି ନୀୟମଗୁଡ଼ିକ ମାମଲାର ସାମଗ୍ରିକ ବିଚାରରେ ଲାଗୁ ହେବା ଉଚିତ୍ ।
ପୂର୍ବରୁ ଦୁଇଟି ସନ୍ତାନ ଥିବାରୁ ତୃତୀୟ ସନ୍ତାନକୁ ପୋଷ୍ୟ ସନ୍ତାନ ଭାବେ ଗ୍ରହଣ କରିବା ପାଇଁ ଦମ୍ପତିଙ୍କ ଆବେଦନକୁ ପ୍ରତ୍ୟାଖ୍ୟାନ କରି କେନ୍ଦ୍ରୀୟ ପୋଷ୍ୟ ଗ୍ରହଣ ସମ୍ବଳ କର୍ତ୍ତୃପକ୍ଷ (CARA) ୨୦୨୩ରେ ଦୁଇଟି ଭିନ୍ନକ୍ଷମ ସନ୍ତାନ ଥିବା ଦମ୍ପତିଙ୍କୁ ଦେଇଥିବା ନିଷ୍ପତ୍ତିକୁ କୋର୍ଟ ଖାରଜ କରିଦେଇଛନ୍ତି । କାରା (CARA) ଏହାର ୨୦୨୩ କାର୍ଯ୍ୟନିର୍ବାହୀ ଆଦେଶକୁ ପ୍ରୟୋଗ କରିଥିଲା ଯାହା ସମ୍ଭାବ୍ୟ ପୋଷ୍ୟ ପିତାମାତାଙ୍କର ପୂର୍ବରୁ ଦୁଇଟି ଜୈବିକ ସନ୍ତାନ ରହିଥିଲେ ଏକ ସାଧାରଣ ଶିଶୁକୁ ପୋଷ୍ୟ ସନ୍ତାନ ଗ୍ରହଣ କରିବାକୁ ପ୍ରତିବନ୍ଧକ କରିଥିଲା । ମାତ୍ର ଏହି ଦମ୍ପତିଙ୍କ କ୍ଷେତ୍ରରେ ସେମାନଙ୍କ ୨୦୧୪ ଓ ୨୦୧୯ରେ ଜନ୍ମ ହୋଇଥିବା ଉଭୟ ସନ୍ତାନ ଭିନ୍ନକ୍ଷମ ଆଇନ ଅଧୀନରେ ଆସିଛନ୍ତି । ବମ୍ବେ ହାଇକୋର୍ଟ ରାୟ ଦେଇଛନ୍ତି ଯେ ଦୁଇଟି ଭିନ୍ନକ୍ଷମ ସନ୍ତାନ ଥିବା ଦମ୍ପତି ତୃତୀୟ, ସାଧାରଣ ସନ୍ତାନକୁ ପୋଷ୍ୟ ସନ୍ତାନ ଭାବେ ଗ୍ରହଣ କରିପାରିବେ ।
ଅଧିକନ୍ତୁ, ଖଣ୍ଡପୀଠ କହିଛନ୍ତି, ମାନବ ଜୀବନ ଆଶା, ପ୍ରତ୍ୟାଶା ଓ ଆହ୍ୱାନର ଏକ ମିଶ୍ରିତ ସମ୍ମିଶ୍ରଣ । ପିଲାମାନଙ୍କ ସହିତ ଗଭୀର ସମ୍ପର୍କ ଏକ ଅର୍ଥପୂର୍ଣ୍ଣ ଜୀବନରେ ଯୋଗଦାନ କରିଥାଏ ଯାହା ଏପରି ବ୍ୟକ୍ତିଙ୍କ ଦ୍ୱାରା ପୋଷିତ ଆଶା ମଧ୍ୟରେ ସନ୍ତୁଷ୍ଟ ହୋଇଥାଏ ବୋଲି ମତ ପୋଷଣ କରିଛନ୍ତି । ୨୦୨୨ର କେନ୍ଦ୍ରୀୟ ପୋଷ୍ୟ ଗ୍ରହଣ ସମ୍ବଳ କର୍ତ୍ତୃପକ୍ଷ (CARA) ନୀୟମକୁ ଯାନ୍ତ୍ରିକ ଭାବେ ପ୍ରୟୋଗ କରି ନୁହେଁ ବରଂ ଏହି ଆବେଦନ ବିଶେଷ ବିଚାରର ଯୋଗ୍ୟ ବୋଲି ଖଣ୍ଡପୀଠ ନିଜର ରାୟ ଶୁଣାଇଛନ୍ତି ।
