ଏଣିକି ଦିବ୍ୟାଙ୍ଗଙ୍କ ପାଇଁ ଟ୍ରେନରେ ତଳ ବର୍ଥରେ ବ୍ୟବସ୍ଥା

ଟ୍ରେନ୍ ଯାତାୟତ ସମୟରେ ଦିବ୍ୟାଙ୍ଗ ଓ ବରିଷ୍ଠ ନଗରିକମାନଙ୍କର ଅସୁବିଧାକୁ ଦେଖି ରେଳ ବିଭାଗ ସେମାନଙ୍କ ସୁଗମ୍ୟତାକୁ ପ୍ରାଧାନ୍ୟ ଦେବାକୁ ନିଷ୍ପତ୍ତି ଗ୍ରହଣ କରିଛି । ବରିଷ୍ଠ ନାଗରିକ, ମହିଳା ଓ ଦିବ୍ୟାଙ୍ଗ ବ୍ୟକ୍ତିଙ୍କ ପାଇଁ ତଳ ବର୍ଥ ବ୍ୟବସ୍ଥାକୁ ସହଜ କରିବାକୁ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରାଯାଇଛି । ବରିଷ୍ଠ ନାଗରିକ ତଥା ୪୫ ବର୍ଷ କିମ୍ବା ଅଧିକ ବୟସର ମହିଳା ଯାତ୍ରୀ, ଗର୍ଭବତୀ ମହିଳାଙ୍କୁ ଉପଲବ୍ଧତା ଉପରେ ସ୍ୱୟଂଚାଳିତ ଭାବେ ତଳ ବର୍ଥ ଆବଣ୍ଟନ କରାଯାଏ, ଯଦିଓ ବୁକିଂ ସମୟରେ କୌଣସି ନିର୍ଦ୍ଧିଷ୍ଟ ପସନ୍ଦ ସୂଚିତ କରାଯାଇ ନ ଥାଏ । ସ୍ଲିପର ଶ୍ରେଣୀରେ ପ୍ରତି କୋଚ୍ ରେ ୬ରୁ ୭ଟି ତଳ ବର୍ଥ, ଏସି-୩ ଟାୟାରରେ ପ୍ରତି କୋଚ୍ ପାଇଁ ୪ରୁ ୫ଟି ତଳ ବର୍ଥ, ଏସି-୨ ଟାୟାରରେ ପ୍ରତି କୋଚ୍ ପାଇଁ ୩ରୁ ୪ଟି ତଳ ବର୍ଥ ଏହି କୋଟା ପାଇଁ ସଂରକ୍ଷିତ ରହିଛି । ସର୍ବାଧିକ ସୁବିଧା ସୁନିଶ୍ଚିତ କରିବାକୁ ଟ୍ରେନ୍ ରେ କୋଚ୍ ସଂଖ୍ୟାକୁ ନଜରରେ ରଖି ଏହି ବ୍ୟବସ୍ଥା ଉପଲବ୍ଧ ହୋଇଛି । ରିହାତି ସୁବିଧା ଉପଲବ୍ଧ ହେଉ କି ନ ହେଉ, ରାଜଧାନୀ ଓ ଶତାବ୍ଦୀ ଭଳି ଟ୍ରେନ୍, ସମସ୍ତ ମେଲ୍ / ଏକ୍ସପ୍ରେସ୍ ଟ୍ରେନ୍‌ରେ ଦିବ୍ୟାଙ୍ଗଙ୍କ ପାଇଁ ସଂରକ୍ଷଣ କୋଟାର ସୁବିଧା ପ୍ରଯୁଜ୍ୟ ହୋଇଛି । ସ୍ଲିପର୍ କ୍ଲାସରେ ଚାରିଟି ବର୍ଥ (ଦୁଇଟି ତଳ ବର୍ଥ ସହିତ), ଏସି-୩ ଟାୟାର/ଏସି-୩ ଟାୟାର ଇକୋନୋମିରେ ଚାରିଟି ବର୍ଥ, ସଂରକ୍ଷିତ ଦ୍ୱିତୀୟ ସିଟିଂ କିମ୍ବା ଏୟାର କଣ୍ଡିସନଡ୍ ଚେୟାର କାର୍‌ରେ ଚାରିଟି ସିଟ୍ ରହିଛି । ଯାତ୍ରା ସମୟରେ ତଳ ବର୍ଥ ଖାଲି ପଡ଼ିଲେ, ବରିଷ୍ଠ ନାଗରିକ, ଭିନ୍ନକ୍ଷମ ବ୍ୟକ୍ତି ଓ ଗର୍ଭବତୀ ମହିଳାଙ୍କୁ ଅଗ୍ରାଧିକାର ଦିଆଯାଉଛି । ଯେଉଁମାନଙ୍କୁ ପ୍ରାରମ୍ଭିକ ଭାବରେ ମଧ୍ୟମ କିମ୍ବା ଉପର ବର୍ଥ ଆବଣ୍ଟିତ କରାଯାଇଥାଏ । ସୁରକ୍ଷିତ ଓ ସୁବିଧାଜନକ ଯାତ୍ରା ପାଇଁ ଯାତ୍ରୀଙ୍କୁ ଏହି ସୁବିଧାର ସୁଯୋଗ ନେବାକୁ ଉତ୍ସାହିତ କରାଯାଉଛି ବୋଲି କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ସଂସଦରେ ଏକ ପ୍ରଶ୍ନର ଉତ୍ତରରେ କହିଛନ୍ତି ।