ଦିଲ୍ଲୀ ହାଇକୋର୍ଟର ମାନ୍ୟବର ବିଚାରପତି ସଚିନ ଦତ୍ତ ଆବେଦନକାରୀ ଅକ୍ଷତ ବାଲ୍ଦୁଆଙ୍କ ଏକ ଆବେଦନକୁ ଶୁଣାଣି କରି ଏ ଦିଗରେ ଏକ ସମ୍ପୂର୍ଣ୍ଣ ସ୍ପଷ୍ଟ ମାର୍ଗଦର୍ଶିକା ଜାରି କରିବା ପାଇଁ ନିର୍ଦ୍ଧେଶ ପ୍ରଦାନ କରିଛନ୍ତି । ଆବେଦନକାରୀଙ୍କ ପ୍ରାର୍ଥନା ରହିଥିଲା ଯେ ଏହି ପ୍ଲାଟ୍ଫର୍ମରେ ଆବଶ୍ୟକ ସୁଗମତା ବୈଶିଷ୍ଟ୍ୟ ଯେପରି ସ୍ପଷ୍ଟ ଶ୍ରବଣ ବିଶେଷତା, ଭାଷାଗତ ଶିରୋନାମା ଏବଂ ଭାରତୀୟ ସାଇନ ଲାଙ୍ଗୁଏଜ୍ର ବ୍ୟବହାର ପ୍ରଭୃତି ସାମିଲ କରିବା ପାଇଁ ଅନୁରୋଧ କରିଛନ୍ତି ।
ସମ୍ପ୍ରତି ଓଟିଟି ପ୍ଲାଟଫର୍ମ ଏକ ବହୁ ଆଦୃତ ମନୋରଞ୍ଜନର ମାଧ୍ୟମ ରୂପେ ପରିଗଣିତ ହୋଇଛି । ମାତ୍ର ଏଇ ମାଧ୍ୟମରେ ବିଶେଷ କରି ଦୃଷ୍ଟିବାଧିତ ଓ ଶ୍ରବଣବାଧିତ ଭିନ୍ନକ୍ଷମଙ୍କ ନିମନ୍ତେ ସୁଗମ ନ ଥିବାରୁ ଏହି ବର୍ଗର ବ୍ୟକ୍ତିବିଶେଷମାନେ ଉକ୍ତ ସୁଯୋଗରୁ ବଞ୍ଚିତ ରହୁଛନ୍ତି ।
ଦିଲ୍ଲୀ ହାଇକୋର୍ଟର ମାନ୍ୟବର ବିଚାରପତି ସଚିନ ଦତ୍ତ ଆବେଦନକାରୀ ଅକ୍ଷତ ବାଲ୍ଦୁଆଙ୍କ ଏକ ଆବେଦନକୁ ଶୁଣାଣି କରି ଏ ଦିଗରେ ଏକ ସମ୍ପୂର୍ଣ୍ଣ ସ୍ପଷ୍ଟ ମାର୍ଗଦର୍ଶିକା ଜାରି କରିବା ପାଇଁ ନିର୍ଦ୍ଧେଶ ପ୍ରଦାନ କରିଛନ୍ତି । ଆବେଦନକାରୀଙ୍କ ପ୍ରାର୍ଥନା ରହିଥିଲା ଯେ ଏହି ପ୍ଲାଟ୍ଫର୍ମରେ ଆବଶ୍ୟକ ସୁଗମତା ବୈଶିଷ୍ଟ୍ୟ ଯେପରି ସ୍ପଷ୍ଟ ଶ୍ରବଣ ବିଶେଷତା, ଭାଷାଗତ ଶିରୋନାମା ଏବଂ ଭାରତୀୟ ସାଇନ ଲାଙ୍ଗୁଏଜ୍ର ବ୍ୟବହାର ପ୍ରଭୃତି ସାମିଲ କରିବା ପାଇଁ ଅନୁରୋଧ କରିଛନ୍ତି ।
ଏ ଦିଗରେ ଆବଶ୍ୟକ ପଦକ୍ଷେପ ନିଆଯାଉଛି ବୋଲି ପ୍ରତିପକ୍ଷର କାଉନସିଲ ମାନ୍ୟବର କୋର୍ଟକୁ ଜଣାଇଥିଲେ । ଆଗକୁ ମୁକ୍ତିଲାଭ କରିବାକୁ ଥିବା ଚଳଚିତ୍ର ଆର୍ଟିକିଲ୍ ୩୭୦, ଭୁଲ ଭୁଲେୟା ୩, ଦି ବକିଙ୍ଗ୍ହାମ ମର୍ଡରସ୍ ଓ ସୈତାନ ପ୍ରଭୃତି ଚଳଚ୍ଚିତ୍ରଗୁଡ଼ିକରେ ଏହି ସୁଗମତାଯୁକ୍ତ ବୈଶିଷ୍ଟ୍ୟକୁ ସାମିଲ କରାଯିବ ବୋଲି ପ୍ରତିଶ୍ରୁତି ଦେଇଥିଲେ ।
ବିଶେଷ କରି ନେଟ୍ଫ୍ଲିକ୍ସ ଏକ ପ୍ରମୁଖ ଓଟିଟି ପ୍ଲାଟଫର୍ମ ହୋଇଥିବାରୁ ଏଥିରେ ଏହି ସବୁ ସୁଗମ ବୈଶିଷ୍ଟ୍ୟକୁ ସଂଯୁକ୍ତ କରିବାପାଇଁ ମାନ୍ୟବର କୋର୍ଟ ଚାରି ସପ୍ତାହ ମଧ୍ୟରେ ପ୍ରତ୍ୟୁତ୍ତର ରଖିବା ପାଇଁ ନିର୍ଦ୍ଧେଶ ପ୍ରଦାନ କରିଛନ୍ତି ।
ଏହି ମାମଲାରେ ବିଶିଷ୍ଟ ଦୃଷ୍ଟିବାଧିତ ଆଡ଼ଭୋକେଟ ରାହୁଲ ବଜାଜ୍ ଆବେଦନକାରୀଙ୍କ ପକ୍ଷରୁ କେସ୍ ଲଢୁଛନ୍ତି । ମାନ୍ୟବର ଦିଲ୍ଲୀ ହାଇକୋର୍ଟଙ୍କ ଏହି ଗୁରୁତ୍ୱପୂର୍ଣ୍ଣ ନିର୍ଦ୍ଧେଶ ଡିଜିଟାଲ୍ ମନୋରଞ୍ଜନ କ୍ଷେତ୍ରକୁ ଭିନ୍ନକ୍ଷମମାନଙ୍କ ପାଇଁ ଅଧିକ ସୁଗମ ଓ ସମାବେଶୀ କରିବା ପାଇଁ ଏକ ଗୁରୁତ୍ୱପୂର୍ଣ ଭୂମିକା ନିର୍ବାହ କରିବ, ଏଥିରେ ସନ୍ଦେହ ନାହିଁ ।
