ସୁପରବଗ୍ ଜନିତ ସଂକ୍ରମଣ, ବିଶେଷ କରି ଯେଉଁମାନେ ଗୁରୁତର ଭିନ୍ନକ୍ଷମ ବର୍ଗର ଅଟନ୍ତି, ବିଶେଷ କରି ଯେଉଁମାନଙ୍କର ଦୁର୍ବଳ ରୋଗପ୍ରତିରୋଧକ ଶକ୍ତି ଥାଏ । ଯେଉଁମାନେ ଅତି ଗୁରୁତର ଭାବେ ରୋଗଗ୍ରସ୍ତ ହୋଇ ଦୀର୍ଘମିଆଦି ଯତ୍ନରେ ରହିଛନ୍ତି, ସେହିମାନଙ୍କ ପାଇଁ ସୁପରବଗ୍ ଜନିତ ସଂକ୍ରମଣ ଏକ ସାଙ୍ଘାତିକ ବିପଦ ସୃଷ୍ଟି କରିପାରେ । ସଂକ୍ରମଣ ବିରୁଦ୍ଧରେ ଲଢ଼ିବାର ଦକ୍ଷତା ଅଭାବ ହେତୁ ସୁପରବଗ୍ସ୍ ଦ୍ୱାରା ଏହି ଶାରୀରିକ ଦୁର୍ବଳ ଭିନ୍ନକ୍ଷମ ବ୍ୟକ୍ତିବିଶେଷମାନଙ୍କର ଗୁରୁତର ଜଟିଳତା ହେବାର ରିସ୍କ ରହିଛି ।
ପ୍ରାୟ ଏକ ଶତାବ୍ଦୀ ଧରି ଜୀବାଣୁ ବିରୁଦ୍ଧରେ ଲଢୁଥିବା ଆଣ୍ଟିବାୟୋଟିକ୍ ଔଷଧଗୁଡ଼ିକ ଅନେକ କ୍ଷୟକାରୀ ଜୀବାଣୁକୁ ଧ୍ୱଂସ ଏବଂ ନିୟନ୍ତ୍ରଣ କରିବାରେ ସହାୟକ ହୋଇ ଆସିଛି । ଯେଉଁଗୁଡ଼ିକ ସହଜରେ ଆମକୁ ରୋଗଗ୍ରସ୍ତ କରିଥାନ୍ତା, ସେହି ରୋଗର ଜୀବାଣୁକୁ ନାଶ କରି ଆମକୁ ସୁସ୍ଥ ରଖିବାରେ ଆଣ୍ଟି ବାୟୋଟିକର ଗୁରୁତ୍ୱପୂର୍ଣ୍ଣ ଭୂମିକା ରହିଅଛି । କିନ୍ତୁ ଏହି ନିକଟ ଦଶନ୍ଧିରେ ଦେଖାଯାଉଛି ଯେ, ଏହି ଆଣ୍ଟି ବାୟୋଟିକ୍ ଔଷଧଗୁଡ଼ିକ ପୂର୍ବପରି କେତେକ ପ୍ରକାର ସଂକ୍ରମଣ, ଯାହାକି ଜୀବାଣୁଦ୍ୱାରା ସଂଗଠିତ ହୋଇଥାଏ, ସେଗୁଡ଼ିକ ବିରୁଦ୍ଧରେ ତା’ର ପ୍ରଭାବ କ୍ରମଶଃ ଶିଥିଳ ହେବାରେ ଲାଗିଛି । ପରିତାପର ବିଷୟ ଯେ, ଆମେ ଯେଉଁଭଳି ଭାବରେ ଆଣ୍ଟିବାୟୋଟିକ ଔଷଧର ବହୁଳ ବ୍ୟବହାର କରିଆସିଛୁ, ତାହା କେବଳ ନୂଆ ଔଷଧ (ଡ୍ରଗ୍) ପ୍ରତିଷେଧକ “ସୁପରବଗ୍ସ୍’ ତିଆରି କରିବାରେ ସହାୟକ ହେଉଛି ।
ଏମ୍.ଡ଼ି. (ମେଡ଼ିସିନ), ଡ଼ିମ୍ (ହୃଦ୍ରୋଗ ବିଶେଷଜ୍ଞ), ସହକାରୀ ପ୍ରଫେସର,
ଆଇଏମ୍ଏସ୍ ଓ ସମ୍ ହସ୍ପିଟାଲ, ଫୁଲନଖରା, ଭୁବନେଶ୍ୱର
ଏହି ସୁପରବଗ୍ସ୍ ଏକ ଲକ୍ଷଣବାହୀ ଜୀବାଣୁ, ଭୂତାଣୁ, ପରଜୀବୀ ବା ଫଙ୍ଗି ହୋଇପାରେ । ଏଗୁଡ଼ିକ ଔଷଧ ବ୍ୟବହାର ଦ୍ୱାରା ପ୍ରତିରୋଧିତ ହୋଇପାରିବେ ନାହିଁ । ଏକ ପରିସଂଖ୍ୟାନରୁ ଜଣାଯାଏ, ପ୍ରତିବର୍ଷ ଏହି ଔଷଧ ପ୍ରତିରୋଧକ ବଗ୍ସ ଜାତୀୟ ସ୍ତରରେ ଦୁଇ ମିଲିୟନରୁ ଅଧିକ ଲୋକଙ୍କୁ ଆକ୍ରାନ୍ତ କରିଥାଏ ଏବଂ ଅତି କମ୍ରେ ୨୩ ହଜାର ଲୋକ ଏହାଦ୍ୱାରା ମୃତ୍ୟୁମୁଖରେ ପଡ଼ିଥାନ୍ତି ।
ସୁପରବଗ୍ସ ଷ୍ଟ୍ରେଞ୍ଜ୍ସ
ବ୍ୟାକ୍ଟରିଆ ଜନିତ ସଂକ୍ରମଣ:
ଆକ୍ସିନେଟୋ ବ୍ୟାକ୍ଟରିଆ ବା ଜୀବାଣୁଦ୍ୱାରା ସଂକ୍ରମିତ କୌଣସି ସଂକ୍ରମଣ ଘଟିଲେ ମୂତ୍ରାଶୟ ନଳୀ, ରକ୍ତ ପ୍ରବାହୀ ସ୍ରୋତ କିମ୍ୱା ଘା’ ସଂକ୍ରମଣ ପ୍ରଭୃତିର ଚିକିତ୍ସା କଠିନ ହୋଇପଡ଼ିଥାଏ । ସେହିପରି ସୁପରବଗ୍ ନେଇସଏରିଆ, ଗୋନେରିଆ ବ୍ୟାକ୍ଟେରିଆ ଦ୍ୱାରା ଗର୍ଭାବସ୍ଥା ଜଟିଳତା ସୃଷ୍ଟି କରିଥାଏ । ଏବଂ ଏମ୍ଆରଏସ୍ଏ (MRSA) ସଂକ୍ରମଣ ଅସ୍ତ୍ରୋପଚାର ଜନିତ ଜଟିଳତା, ରକ୍ତପ୍ରବାହ ଜନିତ ତଥା ଫୁସ୍ଫୁସ୍ ପ୍ରଦାହ ଜନିତ ସଂକ୍ରମଣ ସୃଷ୍ଟି କରିଥାଏ ।
ହ୍ୟୁମାନ ଇମ୍ୟୁନୋ ଡେଫିସିଏନ୍ସି ଭାଇରସ୍ ବା ଏଡ଼ସ୍ : ଏହି ଭୂତାଣୁ, ଯାହାକୁ ଆମେ ଏଚ୍ଆଇଭି ବୋଲି ମଧ୍ୟ କହିଥାଉ । ଯାହା ଔଷଧୀୟ ପ୍ରୟୋଗକୁ ଆଗ୍ରାହ୍ୟ କରି ଜଟିଳାବସ୍ଥାକୁ ଅଧିକ ଗୁରୁତର କରିଦିଏ, ଫଳତଃ ମୃତ୍ୟୁ ଅନୁପାତରେ ବୃଦ୍ଧି କରିଥାଏ ।
ପ୍ଲାଜମୋଡ଼ିୟମ୍ ପାରାଡ଼ାଇଟିସ୍:
ଏହି ପାରାସାଇଟ ବା ପରଜୀବୀ ମ୍ୟାଲେରିଆ ସଂଗଠନର ପ୍ରମୁଖ କାରଣ ହୋଇଥାଏ, ଯାହାର ପରିଣାମରେ ରୋଗୀ ଅଧିକ ଗୁରୁତର ହୁଏ ଏବଂ ରୋଗର ବ୍ୟାପକ ଅଭିବୃଦ୍ଧି ଘଟିଥାଏ ।
କ୍ୟାଣ୍ଡିଡ଼ା ଅରିସ୍ ଫଙ୍ଗସ୍:
ଯେଉଁମାନେ ଶାରୀରିକ ଭାବେ ରୁଗ୍ଣ, ସେମାନଙ୍କ ରକ୍ତପ୍ରବାହ ସଂକ୍ରମଣ ସହିତ ଏହି ଫଙ୍ଗସ୍ ସମ୍ପର୍କିତ ଅଟେ ।
ସୁପରବଗ୍ ଏବଂ ଗୁରୁତର ଭିନ୍ନକ୍ଷମବର୍ଗ :
ସୁପରବଗ୍ ଜନିତ ସଂକ୍ରମଣ, ବିଶେଷ କରି ଯେଉଁମାନେ ଗୁରୁତର ଭିନ୍ନକ୍ଷମ ବର୍ଗର ଅଟନ୍ତି, ବିଶେଷ କରି ଯେଉଁମାନଙ୍କର ଦୁର୍ବଳ ରୋଗପ୍ରତିରୋଧକ ଶକ୍ତି ଥାଏ । ଯେଉଁମାନେ ଅତି ଗୁରୁତର ଭାବେ ରୋଗଗ୍ରସ୍ତ ହୋଇ ଦୀର୍ଘମିଆଦି ଯତ୍ନରେ ରହିଛନ୍ତି, ସେହିମାନଙ୍କ ପାଇଁ ସୁପରବଗ୍ ଜନିତ ସଂକ୍ରମଣ ଏକ ସାଙ୍ଘାତିକ ବିପଦ ସୃଷ୍ଟି କରିପାରେ । ସଂକ୍ରମଣ ବିରୁଦ୍ଧରେ ଲଢ଼ିବାର ଦକ୍ଷତା ଅଭାବ ହେତୁ ସୁପରବଗ୍ସ୍ ଦ୍ୱାରା ଏହି ଶାରୀରିକ ଦୁର୍ବଳ ଭିନ୍ନକ୍ଷମ ବ୍ୟକ୍ତିବିଶେଷମାନଙ୍କର ଗୁରୁତର ଜଟିଳତା ହେବାର ରିସ୍କ ରହିଛି ।
ଗୁରୁତରତାର କାରଣ
ଦୁର୍ବଳ ପ୍ରତିରୋଧକ ଶକ୍ତି :
ଯେଉଁ ରୋଗୀମାନେ ଏଡ଼ସ୍ ବା ଏଚ୍ଆଇଭି, ରକ୍ତକର୍କଟ, ମଧୁମେୟ ଏବଂ ଯେଉଁମାନଙ୍କର ଅଙ୍ଗ ପ୍ରତିରୋପଣ ବା ଷ୍ଟେମ୍ ସେଲ୍ ପ୍ରତିରୋପଣରେ ଜୀବିତ ଦୁର୍ବଳ ପ୍ରତିରୋଧକଧାରୀ ଅଟନ୍ତି, ଏଇ ବର୍ଗ ସବୁର ବ୍ୟକ୍ତିବିଶେଷମାନେ ସୁପରବଗ୍ସ୍ ଦ୍ୱାରା ସଂକ୍ରମିତ ହେବାର ସମ୍ଭାବନା ଥାଏ ।
ଦୀର୍ଘକାଳୀନ ରୁଗ୍ଣତା :
ଯେଉଁ ବ୍ୟକ୍ତିବିଶେଷମାନଙ୍କର ଦୀର୍ଘକାଳୀନ ମଧୁମୟ, ଶ୍ୱାସ ଓ ଫୁସ୍ଫୁସ ସଂକ୍ରମଣ ଜନିତ ଶ୍ୱାସରୋଗ ପ୍ରଭୃତି ହେତୁ ବାଧାପ୍ରାପ୍ତ ପ୍ରତିରୋଧକ ଶାରୀରିକ କାର୍ଯ୍ୟକାରିତା ରହିଛି, ସେମାନଙ୍କର ମଧ୍ୟ ଏହି ସୁପରବଗ୍ ଦ୍ୱାରା ସଂକ୍ରମିତ ହେବାର ରିସ୍କ ରହିଛି ।
ଯତ୍ନରେ ରହିଥିବା ଦୀର୍ଘକାଳୀନ ରୋଗୀ :
ଯେଉଁ ରୋଗୀମାନେ ଦୀର୍ଘକାଳୀନ ସ୍ୱାସ୍ଥ୍ୟସେବା ବ୍ୟବସ୍ଥା ମଧ୍ୟରେ ରହି ଆସୁଛନ୍ତି, ସେହି ପରିବେଶରେ ସୁପରବଗ୍ ସଂକ୍ରମଣର ବ୍ୟାପ୍ତି ସମ୍ଭବପର ।
ଡାକ୍ତରୀ ସହାୟକ ଉପକରଣର ବ୍ୟବହାରକାରୀ :
ଯେଉଁମାନଙ୍କର ଶରୀରର ମୁଖ୍ୟ ଶିରା, ଶ୍ୱାସନଳୀ ଟ୍ୟୁବ୍ ଏବଂ ଅନ୍ୟାନ୍ୟ ଡାକ୍ତରୀ ସହାୟକ ଉପକରଣର ବ୍ୟବହାର ହେତୁ ସେମାନଙ୍କ ଶରୀର ସୁପରବଗ୍ ସଂକ୍ରମଣ ପାଇଁ ଅଧିକ ରିସ୍କ ହୋଇ ରହିଥାଏ । କାରଣ ଏହିସବୁ ସ୍ଥାନ ଜୀବାଣୁମାନଙ୍କର ପ୍ରବେଶପଥ ପାଇଁ ଏକ ସମ୍ଭାବ୍ୟ ସ୍ଥାନ ପାଲଟିଥାଏ ।
ଗୁରୁତର ରୋଗୀଙ୍କ ଉପରେ ଏହାର ପ୍ରଭାବ
ଗୁରୁତର ସଂକ୍ରମଣ:
ସୁପରବଗ୍ ଦ୍ୱାରା ସୃଷ୍ଟି ହୋଇଥିବା ଗୁରୁତର ସଂକ୍ରମଣରେ ଷ୍ଟାଣ୍ଡାଡ୍ ଆଣ୍ଟିବାୟୋଟିକ୍ସ ତା’ର କାର୍ଯ୍ୟଦକ୍ଷତା ହରାଇଥାଏ । ଅଧିକନ୍ତୁ ଏହାଦ୍ୱାରା ସୃଷ୍ଟ ଜଟିଳତା ବିଷାକ୍ତ ଜୀବାଣୁ, ଫୁସ୍ଫୁସ୍ ପ୍ରଦାହ ଓ ରକ୍ତବାହୀ ଧାରାକୁ ସଂକ୍ରମିତ କରିଥାଏ ।
ଦୀର୍ଘକାଳୀନ ହସ୍ପିଟାଲାଇଜେସନ:
ଏହି ସୁପରବଗ୍ ସଂକ୍ରମଣ ହେତୁ ବ୍ୟକ୍ତିବିଶେଷଙ୍କୁ ଦୀର୍ଘଦିନ ଯାଏଁ ହସ୍ପିଟାଲରେ ରହି ଚିକିତ୍ସିତ ହେବାକୁ ପଡ଼ିଥାଏ । ଯାହାଦ୍ୱାରା ବ୍ୟକ୍ତିପକ୍ଷେ ଚିକିତ୍ସା ସେବାର ଖର୍ଚ୍ଚ ବୃଦ୍ଧି ଘଟିଥାଏ ।
ମୃତ୍ୟୁହାରରେ ଅଭିବୃଦ୍ଧି :
ଅନେକ ଗୁରୁତର ଅବସ୍ଥାରେ ସୁପରବଗ୍ ସଂକ୍ରମଣ ଜୀବନ ହାନିକାରକ ସାବ୍ୟସ୍ତ ହୋଇଥାଏ । ଯେହେତୁ ଏହି ବର୍ଗର ବ୍ୟକ୍ତିବିଶେଷଙ୍କ ଦୁର୍ବଳ ରୋଗପ୍ରତିରୋଧକ ଶକ୍ତି ଥାଏ, ତେଣୁ ସେମାନଙ୍କ ମୃତ୍ୟୁହାର ସମ୍ଭାବନା ଅଧିକ ରହିଥାଏ ।
କିପରି ସୁପରବଗ୍କୁ ପ୍ରତିରୋଧ କରିହେବ? :
ନୂତନ ସୁପରବଗ୍ସର ସୃଷ୍ଟିକୁ ପ୍ରତିହତ କରିବାକୁ ହେଲେ ଆମକୁ ସଂକ୍ରମଣକୁ ପ୍ରତିରୋଧ କରିବାର ଉପାୟ ଅବଲମ୍ୱନ କରିବାକୁ ପଡ଼ିବ । ଯାହାଦ୍ୱାରା ଆମେ ସଂକ୍ରମଣରୁ ନିଜକୁ ଦୂରରେ ରଖିପାରିବା ।
