ଅନ୍ଧତ୍ୱ ମୁକ୍ତ କରୁଛନ୍ତି ମୃତକ

ଅନ୍ଧତ୍ଵ ମୁକ୍ତ କରୁଛନ୍ତି ମୃତକ । ମୃତକଙ୍କ ସ୍ଵଚ୍ଛପଟଳ ଦାନ ଯୋଗୁ ଏବେ ୧୭ ହଜାର ଲୋକ ନୂଆ ଦୁନିଆ ଦେଖିବାରେ ସକ୍ଷମ ହୋଇଛନ୍ତି । ଏହି ଧାରାକୁ ବଜାୟ ରଖିବାରେ ସହଯୋଗ କରୁଛି ଦୃଷ୍ଟଦାନ ବ୍ୟାଙ୍କ। ସରକାରଙ୍କ ସହଯାଗରେ ଗୋଟିଏ ଘରୋଇ ଦୃଷ୍ଟିଦାନ ବ୍ୟାଙ୍କ କାର୍ଯ୍ୟ କରୁଥିବାବଳେ ବିଭିନ୍ନ ସରକାରୀ ଓ ଘରୋଇ ଚିକିତ୍ସାଳୟରେ ସ୍ଵଚ୍ଛପଟଳ ସଂଗ୍ରହ ଓ ଅସ୍ତ୍ରୋପଚାର କରାଯାଉଛି । ରାଜ୍ୟର ୧୪ଜିଲ୍ଲାରେ ୧୪ କେନ୍ଦ୍ରରେ ସ୍ଵଚ୍ଛପଟଳ ୭ କେନ୍ଦ୍ରରେ ସ୍ଵଚ୍ଛପଟଳ ଅସ୍ତ୍ରୋପଚାର କରାଯାଉଛି । ଯଦିଓ ସରକାରୀସ୍ତରରେ ତିନିଟି ଭେଷଜ ମହାବିଦ୍ୟାଳୟ କଟକ, ବୁର୍ଲା ଏବଂ ବ୍ରହ୍ମପୁରରେ ବ୍ୟାଙ୍କ ରହିଛି କିନ୍ତୁ ଏକପ୍ରକାର ସ୍ଥାଣୁ ଅବସ୍ଥାରେ ଜଣାପଡ଼ିଛି । ରାଜ୍ୟରେ ଚକ୍ଷୁଦାନ(ସ୍ଵଚ୍ଛପଟଳ) ଏବେ ବଢିବାରେ ଲାଗିଛି । ପୂର୍ବରୁ ୧୨ଟି କେନ୍ଦ୍ରରେ ମୃତକଙ୍କଠାରୁ ସ୍ଵଚ୍ଛପଟଳ ସଂଗ୍ରହ କରାଯାଉଥିବାବେଳେ ଏବେ କୋରାପୁଟ ଏବଂ ବ୍ରହ୍ମପୁରରେ ସ୍ଵଚ୍ଛପଟଳ ସଂଗ୍ରହ କରାଯାଉଛି । ରାଜ୍ୟରେ ୨୦୦୨ରୁ ଏହି କାର୍ଯ୍ୟକ୍ରମ ଆରମ୍ଭ ହୋଇଥିବାବେଳେ ଏପ୍ରଜ୍ଯନ୍ତ ମୋଟ ପ୍ରାୟ ୧୯ ହଜାରରୁ ଅଧିକ ସ୍ଵଚ୍ଛପଟଳ ସଂଗ୍ରହ କରାଯାଇଛି । ପ୍ରାୟ ୧୭ ହଜାର ଲୋକ ସ୍ଵଚ୍ଛପଟଳ ଲଗାଇ ଦୃଷ୍ଟି ଶକ୍ତି ଫେରିପାଇଥିବା ଜଣାପଡିଛି । ସରକାର ଏଦିଗରେ ସହଯୋଗ କରୁଛନ୍ତି, କିନ୍ତୁ ସରକାରୀ ଚିକିତ୍ସାଳୟରେ ଚକ୍ଷୁ( ସୁଚ୍ଛପଟଳ) ସଂଗ୍ରହ ଓ ଅସ୍ତ୍ରୋପଚାର ପାଇଁ ସେପରି କୌଣସି ଆଦୃଶିଆ ବିଧିବ୍ୟବସ୍ତା ନଥିବାବେଳେ ଘରୋଇ ଚିକିତ୍ସାଳୟ ବା ଅନୁଷ୍ଠାନ ଏଦିଗରେ ପ୍ରମୁଖ ଭୂମିକା ଗ୍ରହଣ କରିଛି । ରାଜଧାନୀ ଚିକିତ୍ସାଳୟ ସମେତ ପୁରୀ, କେନ୍ଦ୍ରାପଡ଼ା, ବାଲେଶ୍ଵର, ଚାରିପଦା, ପୀର, ରାଉରକେଲା ଜିଲା ମୁଖ୍ୟ ଚିକିତ୍ସାଳୟଳୟ ସହିତ ଘରୋଇ କେନ୍ଦ୍ରରେ ସ୍ଵଚ୍ଛପଟଳ ସଂଗ୍ରହ କରାଯାଉଛି। ମୃତ ବ୍ୟକ୍ତିଙ୍କ ପରିବାର ଲୋକଙ୍କ ଅନୁମତି ଲୋଡ଼ି ସଂଗ୍ରହ କରାଯାଇଥିବାବେଳେ ପରାମର୍ଶଦାତା ଉପଯୁକ୍ତ ପ୍ରକ୍ରିୟାରେ ସୁଚ୍ଛପଟଳ କାଢ଼ିଥାନ୍ତି । ଅନେକ ଏବେବି ମୃତ୍ୟୁ ପରେ ଚକ୍ଷୁଦାନ ଓ ଅସ୍ତ୍ରୋପଚାର ଉପରେ ସଚେତନ ନୁହନ୍ତି । ଏହାକୁ ଦୂର କରିବା ପାଇଁ ଏବେ ସଚେତନତା କାର୍ଯ୍ୟକ୍ରମ ଜାରି ରହିଛି। ଯଦି କୌଣସି ବ୍ୟକ୍ତିଙ୍କ ସ୍ଵାଭାବିକ ମୃତ୍ୟୁ ହୁଏ ସେମାନଙ୍କ ପରିବାର ସହିତ ଆଲୋଚନା କରି ସ୍ଵଚ୍ଛପଟଳ ନିଆଯାଇଥାଏ। ଅନ୍ୟପକ୍ଷରେ କୌଣସି ବ୍ୟକ୍ତି ରୋଗରେ ମୃତ୍ୟୁ ହୋଇଥିଲେ ତାହାକୁ ଯାଞ୍ଚ କରାଯାଇ ସଂଗ୍ରହ କରାଯାଇଥାଏ। ୬ରୁ ୮ ଘଣ୍ଟା ମଧ୍ୟରେ ମୃତ ବ୍ୟକ୍ତିଙ୍କ ସ୍ୱଚ୍ଛପଟଳ କାର୍ଯ୍ୟରେ ଲାଗୁଥିବାବେଳେ ପରିବାର ଲୋକ ଦାନ କରିବା ନିମନ୍ତେ ଚକ୍ଷୁ ବ୍ୟାଙ୍କର ସଦସ୍ୟଙ୍କ ସହିତ ଯୋଗାଯୋଗ କରି ଦାନ କରିପାରିବେ ।

ସୂଚନା ଅନୁସାରେ ୨୦୦୭ରୁ ୨୦୧୭ମଧ୍ୟରେ ୫, ୭୧୪ ସ୍ଵଚ୍ଛପଟଳ ସଂଗ୍ରହ କରାଯାଇଥିବାବେଳେ ୪୭୯୫ ଜଣ ଏଥିଯୋଗୁଁ ଉପକୃତ ହୋଇଛନ୍ତି । ସେହିପରି ଆରମ୍ଭରୁ ଗତ ଜୁଲାଇ ୨୦୨୫ ସୁଦ୍ଧା ମୋଟ ପ୍ରାୟ ୧୯ ହଜାର ସ୍ୱଚ୍ଛପଟଳ ସଂଗ୍ରହ କରାଯାଇ ପାଖାପାଖି ୧୭ ହଜାର ଅସ୍ତ୍ରୋପଚାର କରାଯାଇଛି ।