ଜୀବନଶୈଳୀ ଜନିତ ମେରୁଦଣ୍ଡ ସମସ୍ୟା ଓ କ୍ରମବର୍ଦ୍ଧିଷ୍ଣୁ ଅକ୍ଷମତା

ସ୍ପାଇନ ବା ମେରୁଦଣ୍ଡର ପ୍ରଯତ୍ନ ସାମ୍ପ୍ରତିକ ଜୀବନଶୈଳୀରେ କିପରି ଗୁରୁତ୍ୱପୂର୍ଣ୍ଣ ହୋଇପଡିଛି, ଏହାକୁ ସୂଚାଇବାକୁ ଯାଇ ନିଭାନ ଇଣ୍ଟରଭେନସନାଲ ପେନ୍ ଆଣ୍ଡ୍ ରିଜେନେରେଟିଭ୍ ମେଡିସିନ୍ କ୍ଲିନିକ୍‌ର କ୍ଲିନିକାଲ୍ ଲିଡ୍, ଇଣ୍ଟରଭେନସନାଲ ସ୍ପାଇନ୍ ଆଣ୍ଡ୍ ପେନ୍ ଫିଜିସିଆନ୍ ଡକ୍ଟର ସିଦ୍ଧାର୍ଥ ବର୍ମା, କରିଛନ୍ତି ଯେ ମେରୁଦଣ୍ଡ ସ୍ୱାସ୍ଥ୍ୟର ଯତ୍ନ ନେବା ନିହାତି ଜରୁରୀ । ସେ ଏହି ସମସ୍ୟା ବିଷୟରେ ସତର୍କ କରାଇ କୁହନ୍ତି ଯେ ବର୍ତ୍ତମାନ ସମୟରେ “ପିଠି ଏବଂ ବେକ ଯନ୍ତ୍ରଣାର ଏକ ‘ଅଦୃଶ୍ୟ’ ମହାମାରୀ ଯାହା ଏବେ ୨୦ ବର୍ଷ ବୟସର ଯୁବକଙ୍କୁ ସୁଦ୍ଧା ପ୍ରଭାବିତ କରୁଛି ଯେପରି ୫୦ ବର୍ଷ ବୟସର ଲୋକଙ୍କୁ ପ୍ରଭାବିତ କରେ ।

ପ୍ରସିଦ୍ଧ ସ୍ୱାସ୍ଥ୍ୟଭିତ୍ତିକ ପତ୍ରିକା ‘ଲାନସେଟ୍’ର ନଭେମ୍ବର ୨୦୨୩ର ଏକ ଅଧ୍ୟୟନ ମେରୁଦଣ୍ଡ ଆଘାତର ଗୁରୁତର ବୋଝ ଉପରେ ଆଲୋକପାତ କରିଛି । କାରଣ ଏହା କେବଳ ଦୀର୍ଘକାଳୀନ ଅକ୍ଷମତା ନୁହେଁ ବରଂ ଅସମୟ ମୃତ୍ୟୁର ମଧ୍ୟ କାରଣ ହୋଇଥାଏ । ଯଦି ମେରୁଦଣ୍ଡ ସ୍ୱାସ୍ଥ୍ୟ ଦୁର୍ବଳ ହୋଇଯାଏ ତେବେ ମେରୁଦଣ୍ଡ ଆଘାତ ବା କ୍ଷତିର ଆଶଙ୍କା ରହିଥାଏ ।

ମେରୁଦଣ୍ଡର ଅନେକ ସମସ୍ୟା ମଧ୍ୟରେ, ପିଠି ଯନ୍ତ୍ରଣା ସବୁଠାରୁ ସାଧାରଣ। ବିଶ୍ୱ ସ୍ୱାସ୍ଥ୍ୟ ସଂଗଠନ ଆକଳନ କରିଛି ଯେ ପ୍ରାୟ ୬୧୯ ନିୟୁତ ଲୋକ ପିଠି ଯନ୍ତ୍ରଣା ସହିତ ବଞ୍ଚନ୍ତି। ଏହା ମଧ୍ୟ ଅକ୍ଷମତାର ପ୍ରମୁଖ କାରଣ। ନିକଟ ଭବିଷ୍ୟତରେ ଏହି ସଂଖ୍ୟା ବୃଦ୍ଧି ପାଇବାର ଆକଳନ କରାଯାଇଛି । ଦି ଲାନସେଟ୍ ରିଉମାଟୋଲୋଜିରେ ପ୍ରକାଶିତ ଏକ ଅଧ୍ୟୟନରୁ ଜଣାପଡିଛି ଯେ ୨୦୫୦ ମସିହା ସୁଦ୍ଧା ଏହି ସଂଖ୍ୟା ୮୪୩ ନିୟୁତରେ ପହଞ୍ଚିବ ବୋଲି ଆଶା କରାଯାଉଛି।

କିନ୍ତୁ ମେରୁଦଣ୍ଡଜନିତ ଏପରି ଏକ ଆହ୍ଵାନମୂଳକ ସମୟରେ ସମସ୍ତ ଆଶା ହଜି ନାହିଁ । ସଠିକ୍ ଆସନ ଏବଂ ଉନ୍ନତ ଏରଗୋନୋମିକ୍ ସେଟଅପ୍ ଭଳି ସୁସ୍ଥ ଅଭ୍ୟାସ ମେରୁଦଣ୍ଡ ସ୍ୱାସ୍ଥ୍ୟକୁ ସୁରକ୍ଷା ଦେବାରେ ସାହାଯ୍ୟ କରିପାରିବ । ଯଦି ଆମେ ସ୍ଥିରତା ସହିତ ମେରୁଦଣ୍ଡର ଚିକିତ୍ସା କରୁ ତେବେ ଏହା ଉଲ୍ଲେଖନୀୟ ଭାବରେ ଅନୁକୂଳ ସାବ୍ୟସ୍ତ ହେବ । ଆମେ କିପରି ବସିବା, ଠିଆ ହେବା କିମ୍ବା ଚାଲିବା ବିଷୟରେ ନିୟମିତ ସଂଶୋଧନ ଦଶନ୍ଧି ଧରି ରହିଥିବା ମେରୁଦଣ୍ଡଜନିତ ଅନାବଶ୍ୟକ ପୀଡାକୁ ରୋକିପାରିବ ।

ଏହା ବ୍ୟତୀତ, ନୂତନ ସମୟର ଜୀବନଧାରା ପାଇଁ ବିଶେଷକରି ନିରନ୍ତର ଲ୍ୟାପଟପ ଓ ମୋବାଇଲ ସ୍କ୍ରିନ୍ ବ୍ୟବହାରରୁ ବିକଶିତ ସମସ୍ୟା ମେରୁଦଣ୍ଡ ଉପରେ ଅଭୂତପୂର୍ବ ଚାପ ପକାଇବା ଆରମ୍ଭ କରିଛି ଯାହା ଏକ ଦଶନ୍ଧି ପୂର୍ବରୁ ଦେଖାଯାଉ ନ ଥିଲା । ଏଥି ପାଇଁ ଜଣେ ବ୍ୟକ୍ତି ନିଜର ମେରୁଦଣ୍ଡ କ୍ଷତିକାରକ ଅଭ୍ୟାସରୁ ଯଥା ସମ୍ଭବ ବିରତ ରହିବା ଉଚିତ । ମେରୁଦଣ୍ଡ ଅନୁକୂଳ ଜୀବନଶୈଳୀର ପରିବର୍ତ୍ତନ ପ୍ରମୁଖ ସ୍ୱାସ୍ଥ୍ୟ ବିପଦକୁ ରୋକିଥାଏ ।